Rehefa mibanjina ny ho avy isika dia irintsika ho tsara lavitra noho ny taona lasa rehetra izany. Tsy ho tsara kokoa anefa izany raha tsy takiantsika ny teny fikasana nomen'Andriamanitra. Izay inoantsika dia tsy maintsy hekentsika amin'ny vava. Ny fanekena am-bava anefa dia tsy maintsy miorina amin'ny teny fikasan'Andriamanitra (Jereo Romana 10:8,9).

Rehefa nomen'Andriamanitra teny fikasana i Abrahama, izay teny fikasana tahaka ny tsy azo tanterahina (amin'ny maha-olombelona), dia inona no nataon'i Abrahama ? "Ary satria tsy mba nalemy finoana izy, dia nihevitra ny tenany izay efa hoatra ny maty (fa efa tokony ho zato taona izy) sy ny fahafatesan'ny kibon'i Saraha, ary tsy niahanahana ny amin'ny teny fikasan'Andriamanitra tamin'ny tsi-finoana izy, fa nampaherezin'ny finoana izy ka nanome voninahitra an'Andriamanitra ary natoky indrindra fa izay nolazainy dia hainy atao koa" (Romana 4:19-21).

Koa amin'ny finoana ny teny fikasan'Andriamanitra dia andeha isika hanao ireto fanekena am-bava valo manaraka ireto. Amin'ny fonao manontolo dia averimbereno matetika amin'ny tenanao sy amin'i Satana ireto :

1. Andriamanitra Ray dia tia ahy tahaka ny nitiavany an'i Jesosy

• noho izany dia hifaly mandrakariva aho (Jaona 17:23).

1. Efa navelan'Andriamanitra ny fahotako rehetra

• noho izany dia tsy hisy fanamelohana intsony eo amin'ny fiainako (1Jaona 1:9 ; Hebreo 8:12).

1. Hameno ahy amin'ny Fanahiny Masina Andriamanitra

• noho izany dia ho ampy hery aho hanefako ny asa aman-draharahako rehetra (Lioka 11:13).

1. Andriamanitra no efa namaritra ny fari-pananako rehetra

• noho izany dia hianina amin'izay ananako foana aho (Asa 17:26 ; Heb. 13:5).

1. Natao hahasoa ahy ny didin'Andriamanitra REHETRA

• noho izany dia tiako ankatoavina avokoa ny didin'Andriamanitra REHETRA (1Jaona 5:3 ; Deo. 10:13).

1. Andriamanitra no mandidy ny olona REHETRA sy ny zava-mitranga REHETRA mahakasika ahy

• noho izany dia hisaotra mandrakariva aho (Romana 8:28).

1. Jesosy efa nandresy an'i Satana sy nanafaka ahy tamin'ny herin'i Satana

• noho izany dia tsy hanan-tahotra intsony aho ( 2:14,15 ; Heb. 13:6).

1. Tian'Andriamanitra ho tonga fitahiana aho

• noho izany dia HO fitahiana ho an'ny hafa aho ( 12:2 ; Gal. 3:14).

"Fa raha tsy amin'ny finoana dia tsy misy azo atao hahazoana sitraka amin'Andriamanitra" (Hebreo 11:6)